مهما تروح السفن ترجع لمينا

كانك زعلت ازعل ولاني مراضيك= ولالك ابد حقن تشره علينا

هذا اختيارك جعل ربي يهنيك =وكانك نسيت اليوم لا مانسينا

اليا تعب كروم قلت انت وشفيك= ترى همومك كنها اليوم فينا

كروم انا وياك ولاني مخليك =تامر على نفسي ومافي يدينا

وميز مابين اللي يعزك ويغليك =واللي يودك كل ساعة تجينا

واللي ليا شافك يرحب يحييك= تقل عنه غايب عشرة سنينا

وهذي ظروف الوقت ماهو بناسيك =وكانك نقضت العهد حنا وفينا

وخلك على هالحال ولاني براجيك= واختار كل الناس شرق ويمينا

واسمي ترى كروم ماني موصيك= شيله ترانا اليوم حنا انتهينا

وارحل بعيد اليوم ماني مناديك= ومن عادتي انسى الذي مايبينا

ودربن يبا يعجبك خله يوديك =ومهما تروح السفن ترجع لمينا

ومفلح ترى كروم ماني موصيك =شيلة ترانا اليوم حنا انتهينا

لشاعر / ابوسعود : مفلح سعود الرشيدي